காலத்தை வென்ற கவி….

ஒரு படைப்பாளி மறைந்து போகலாம் ஆனால் அவன் விட்டுச்சென்ற படைப்புக்கள் எந்நாளும் அழிவதில்லை அவன் மாண்டு போன பின்னும் காலம்காலமாக அவன் பெயரையும் புகழையும் பரப்பிய வண்ணம் இருக்கும். அப்படியாக முப்பது வருடங்களுக்கு முன்னர் யாழ்ப்பாணத்தை சேர்ந்த ஒருவரால் எழுதப்பட்டு இப்போது என் கையில் சிக்கியுள்ள கவிதைகள் சிலவற்றை உங்களோடு பகிர்ந்து கொள்கிறேன்.

 

புதுக்கவிதை…. எழுத்துலகை இப்போது ஆக்கிரமித்து இருப்பது இந்த சொற்கள்தான். எவரும் இப்போது செய்யுள் வடிவ மரப்புக்கவிதைகள் எழுதுவது கிடையாது .. அப்படி என்றால் புதுக்கவிதைகள் தோன்ற முன்பு அல்லது அவை பிரபலமாகாத ஒரு காலத்தில் கவிதைகள் எப்படி இருந்திருக்கும் என்பதற்கு இவை நல்ல உதாரணங்கள். 

 

View Full Album

 

இந்த கவிதை தொகுப்பை தான் பிறக்கும் முனபே இறந்து போன தன்னுடைய தாத்தா எழுதிய கவிதைகள் என்று, யாழ்ப்பாணம் சித்தங்கேணியைச்சேர்ந்த என் நண்பன் ( வட்டுக்கோட்டை செந்தூரன் அல்லது வட்டு என்று சுருக்கமாக அழைக்கபடுபவன்) ஒருவன் கொடுத்தான். ( நன்றி செந்தூரன் ) இவை அவருடைய நினைவுமலரில் வெளியிடப்பட்டவை ஏனைய இவரது கவிதைகளை புத்தகமாக வெளியிடபோவதாக இந்த நினைவுமலரில் குறிப்பட்டிருக்கிறார்கள் பின்னர் புத்தகம் வெளிவந்ததா இல்லையா ஏனைய கவிதைகளுக்கு என்ன நடந்தது என்று அவனுக்கே தெரியாதாம்.

 

படங்களை கிளிக்கி பார்க்க பஞ்சியாய் உள்ளவர்களுக்காக  ஒரு சில வரிகள்.. இங்கே தருகிறேன் மிகுதியை படிக்க விரும்பியோர் மேலே சொடுக்கி பெரிதாக்கி பாருங்கள்…

 

இத்தொகுப்பில் அவர் லண்டனிலே இருந்தபோது பெற்ற அனுபவமாக இனி வரேன் லண்டனுக்கு , இனிச்செல்லேன் இலங்கைக்கு போன்ற கவிதைகளும் கவிஞ்ஞர் விவசாயம் செய்த அனுபவத்தை எழுதிய யாழ்ப்பாணத்தில் வான் கருணை, என்ற கவிதையும் அவர் இறக்கும் தறுவாயில் வைத்திய சாலையிலிருந்து எழுதிய மூளாய் ஆசுபத்திரியில் யான், என்ற கவிதையும் அடங்கலாக நான்கு கவிதைகள் இருக்கிறது படித்து ரசியுங்கள்.

 

இனிவரேன் லண்டனுக்கு..

இரவு பகலாக லண்டனிலே இவ்வருடம்

பரவலாய் பெய்கின்ற பனியேயுன் கொடுமையினால்

மரமும் நடுங்கையிலே மக்கள்தான் என் செய்வார்

வரமுன் அறிந்திருந்தால் வந்திரேன் லண்டனுக்கு

 

வெள்ளைக்கம்பளம்போல் வீதியெலாம் இருப்பதனால்

துள்ளி விளையாடுகிறார் துரிதமுளோர் ஆயிடினும்

தள்ளாடி நான் நடக்க தயங்குகிறேன் உன் மீது

எள்ளவும் இரக்கமிலாய் இனிவரேன் லண்டனுக்கு

 

இனிச்செல்லேன் இலங்கைக்கு..

பனிக்காலம் நீங்கிற்று பகலவன் ஆட்சியிலே

நனி சிறந்த நாள் மலர்கள் நற்காய் கனியாகி

இனிய மணம் பரப்பி எல்லோர்க்கும் விருந்தளிக்க

என்னே என்னினபம் இனிச்செல்லேன் இலங்கைக்கு

 

பங்குனிபோல் இலங்கையிலே பகலவனும் லண்டனிலே

எங்கும் ஒளி பரப்பி இரவையே பகலாக்க

பொங்கும் உவகை கொண்டேன் பொறுமையே

டிங்கிருப்ப தன்றியான் இனிச்செல்லேன் இலங்கைக்கு.

 

இந்த நடையை பாரத்து தான் நானும் ஒரு கவிதை ஒன்று முயற்சி செய்தேன் அதுதான் தாய்க்கு ஒரு துரோகம்… என நான் எழுதியது..   எல்லலோருக்கும் எனது நத்தார் வாழ்த்துக்கள்….

 

 

.

தாய்க்கு ஒரு துரோகம்…

 
பல்லாயிரம் ஆண்டுகளாய் நன்றாகதான் இருந்தாய் 
ஏனிப்படி ஒரு தவறு செய்தாய் இயற்கைதாயே
ஆறாவது அறிவு படைத்தாய் உன் குழந்தைக்கு
அது படுத்தும் பாடு இப்போது நீ அறிவாய்.

கடைசி குழந்தையாய் மனிதன் நீ படைத்தாய்
சிறப்பாய் இருக்க பகுத்தறிவும் கொடுத்து வைத்தாய்
இன்று உனை அழிக்க உன் குழந்தை விளைய
பெற்றெடுத்த தாயே இப்போ நீ என் செய்வாய்.

மனிதன் காடழித்தான் கைதொழில் புரடசி என்றான்
கரியமில வாயு கொண்டு உன் காற்றுமண்டலம் நிரப்பினான்
தொழில்நுட்ப புரட்சி என்றான் விணவெளிக்கு சென்று வந்தான்
அந்த அறிவு கொண்டே அணுகுண்டும் படைத்து வைத்தான்.


அதிகமாக ஒரு ஆறறிவு நீ கொடுத்தாய்
முன்பிருந்த ஓர் அறிவை மனிதா நீ தொலைத்தாய்
காட்டுமிராண்டி என்று சொல்லி நீ பழிக்கிறாய்
நாட்டுமிராண்டி தனமாய் நீ வாழ்ந்து தொலைக்கிறாய்.


வயிற்று பசிக்கே விலங்குகள் உயிர் கொல்லும்
ஆசைப்பசி கொண்டு உன்னையே நீ கொல்லு
பிணந்தின்னும் விலங்குகள் எத்தனையோ மேல்  மனிதா
மனம் கொன்று தின்று வாழும் மடையா உன்னை விட.


உன் இருப்போ சமநிலையில் இயறகைத்தாயே
அவனிருப்போ உன் நிலையில் அறிவாய் நீயே
பகுத்தறிவு கொண்டு உனை அழிக்கும் மனிதனையே
நீ அழித்து உனை நிலை நிறுத்த முயல்கிறாயே.


இதை அறிந்தும் நாங்கள் இன்னும் திருந்த மாட்டோம்
தாயே உனைப்பற்றி நாங்கள் என்றும் வருந்த மாட்டோம்
செவ்வாயில் வீடு கட்ட திட்டமிடுகிறோம்
இங்கிருக்க எதுவுமின்றி தொலையப்போகிறோம்.

இந்த நடை ஒரு கவிதையிருந்து திருடினேன் நன்றாக இருக்கிறது உங்களுக்கு பிடித்திருந்தால் சந்தோசம் அந்த கவிதையை அடுத்த பதிவில் தருகிறேன்.




 ..

பாழாய்ப்போன பழம் ரோடு…

இந்த படத்தில் நீங்கள் பாரப்பது தான் -பழம் வீதி- பழம் ரோடு என்றால் இங்கு  அனைவருக்கும் தெரியும். யாழ்ப்பாணத்தில் நல்லூருக்கு அண்மையாக பலாலி வீதியையும் நல்லூருக்கு செல்லும் அரசடி வீதியையும் இணைக்கும் சிறிய வீதி. ஐந்து மாதங்களுக்கு முனபு என் நணபனின் புகைப்படக்கருவியை சோதிப்பதறகாக சும்மா வீதியில் நின்று எடுத்த படம் எங்கோ கணினியின் ஒரு மூலையில் கிடந்ததை தேடிப்பிடித்து போட்டிருக்கிறேன்.

இதுதான் என்னுடைய ராஜபாட்டை… நம்ம வாசஸ்தலம் இருக்குமிடம். சிறு வயதில் நான் ஓடி விளையாடிய… பட்டம் விட்டு பழகிய.. மைதானம். எனக்கு துவிச்சக்கர வண்டி ஓட்ட கற்று கொடுத்த  ஆசான்…இப்போது இந்த பழம் வீதியின் கதியை பாருங்கள்….

1991 ஆம் ஆண்டு இறுதியாக புனரமைக்கப்பட்ட பிறகு ஒரு மாதத்திறகு முன்பு வரை நன்றாகத்தான் இருந்தது ஒரு சிறிய கிடங்கு கூட இருக்கவில்லை.  இதற்கு பக்கமாக செல்லும் யாழ்ப்பாணத்தின் பிரதான வீதிகளில் ஒன்றான பலாலி வீதி மதகு ஒன்று கட்டுவதறகாக மூடப்பட்டு போக்குவரத்து முழுவதும்  பாவம் இந்த பழம் வீதியால் திருப்பி விடப்பட்ட பிறகு தான் பிரச்சனை.  மழையால் ஊறி ஏற்கனவே சொதசொதத்து போய் நல்ல பதமாக இருந்த என் ராஜபாட்டையை, அது இதுவரை கண்டிராத பல கனகரக வாகனங்கள் எல்லாம் சேர்ந்து உழுது தள்ளிவிட்டன……இந்தப்படம் எடுத்து ஒரு வாரம் ஆகிறது இப்போது வீதியின் நிலைமை ….மிகவும் மோசம்…..இதைப்போல மூன்று இடங்களில் பாழாய்ப்போயிருக்கிறது என் பழம் வீதி.

இதனால் வாகனத்தில் செல்வோருக்கு எந்தவித கஸ்டமும் இல்லை என்னைப்போல் உந்துருளியில் , துவிச்சக்கர வண்டியில் செலபவர்களுக்கெல்லாம் சேற்றை வாரி இறைத்துவிட்டு போவார்கள். அதுவும் பரவாயில்லை, நடந்து செலபவர்களின் நிலைமை…? பக்கத்திலிருக்கும் பல பாடசாலைகளுக்கு வெள்ளைச்சீருடையுடன் நடந்து செல்லும் துவிச்சக்கர வண்டியில் செல்லும் சின்னஞ்சிறுசுகளின் கதி…?

நான் கூட பரீடசை என்று அறிவித்த பிறகுதான் பாடப்புத்தகம் தூக்குவேன் அதே போல நம்ம ஊரில் பாருங்கோ மழை வந்த பிறகு தான் யாழ் மாநகர சபை வீதி எல்லாம் திருத்துவானுகள்…மழை வரும்மட்டும் காவலிருப்பானுகள் பலாலி வீதி மதகை நல்ல கோடை வெயில் கொளுத்தி எறியும்போதே திருத்தம் செய்து முடித்திருந்தால் நம்ம ராஜபாட்டை தப்பியிருக்கமோல்லியோ..

என்ன கொடுமை என்றால் இனி இதை எப்போது சீர் செய்வார்கள் எனபதுதான் பலாலி வீதி வேலை முடிந்து திறக்கப்பட்டால் பிறகு பழம் வீதி  அவர்களுக்கு தேவைப்படாது … அப்பிடி யாராவது புண்ணியவான் யாழ் மாநகர சபையிலிருந்து இதை திருத்த நினைத்தாலும் மழை இடம் கொடுக்காது மழை விட்டால் பிறகு நம்ம மா.சபை இதையெல்லாம் மறந்து போய்விடும்… அனேகமாக எனக்கென்னவோ இது 2010 மாரிகாலம் மழை தொடங்க தான் ஏதாவது நடக்கும்..

இதையெல்லாம் உங்களிடம் சொல்லி என்ன நடக்க போகிறது …எல்லாம் ஒரு ஆதங்கம் தான் இத்தனை காலமும் சர்..என்று நான் வண்டியில் ஓடித்திருந்த வீதி இப்படி ஆயிப்போச்சேன்னு தான் கவலை.. ம்..

கண்டறியாத காதல்

ஒரு விண்ணப்பம்..

ஒன்றுமே தெரியாது
என்று
எவ்வாறு சொல்லுவாய்பெண்ணே
ஒவ்வொரு நாளும்
என்னை இம்சைப்படுத்திவிட்டு
ஏய் சித்திரமே ..
என் சிந்தனையில்
உனை வரைந்து.
பத்திரமாய் என் நெஞ்சிற்குள்
பதுக்கி வைத்திருக்கிறேன்.
சத்தியம் செய் பெண்ணே
என் நித்திரையிலாவது
நீ வருவாயென
ஒரு கனவில்..

நான் நிலா..

அத்தனை கோள்கள்
எத்தனை நட்சத்திரங்கள்
அருகில் இருந்தும்
உன்னை தினம் சுற்றுகிறேன்
ஒரு நிலவாய்
நீயோ
எனை விடுத்து
சூரியனைச்சுற்றுகிறாய்


ஒரு முள்ளின் கதை

ஒரு
அழகிய ரோஜா
அருகில் எத்தனை முள்
கடவுள் போட்ட சாபம் அது
முன் ஜென்மத்தில்
காதல் செய்தவர் எல்லாம்
முள்ளாக அருகில்
காவல் செய்யட்டும் என்று
நானும் ஒரு முள்ளாக
உன் அருகில்
காமத்தென்றல்
அடிக்கடி
என் காவலைக் கலைக்க...
உன்னோடு கொஞ்சம்
உரசிப்பார்க்கிறேன்..
ம்........
பக்கத்தில் இருந்து என்ன பயன்
பறிக்கப்போவது இன்னொருவன்தானே

முடியாத ஒன்று....

கல் தடுக்கி
கால் இடறுவது போல
என் நினைவுகளுக்குள்
நீ இடறுகிறாய்
இதயத்திறகுள் நீ
எங்கு இருக்கிறாய்
தெரியவில்லை
தூக்கி எறிவதற்கு முயல்கிறேன்
முடியவில்லை



கடவுளே நீதான் காப்பாத்தணும் எல்லாரும் காதல் கவிதை எழுதுறாங்க...அதுக்கு...எனக்கு இது தேவையா....


மன்னிக்கவும்...
பிடித்ததோ........ பிடிக்கவில்லையோ..
முழுவதும் படித்தீரகளோ..படிக்கவில்லையோ ....
நல்ல படங்கள் போட்டிருக்கிறேன் ...
பார்த்துவிட்டு ...அப்படியே ஓட்டு போட்டுவிட்டு செல்லுங்கள்.
இல்லையெனில் ....
கனவில் வந்து கவிதை படிப்பேன்...
ஜாக்கிரதை..!

சாபக்கேடு.

அண்மையில் யாழ்ப்பாணத்தில் பெற்றோல் தட்டுப்பாடு வரிசையில் நின்று எனது உந்துருளிக்கு பெற்றோல் நிரப்பினேன் அப்போது தான் ஒன்று தோன்றியது. யாழ் மக்களின் வாழ்வியலில் பல ஆற்றமுடியாத நோய்கள் வேரூன்றி போயிருக்கிறது.வாழ்கை முழுவதும் ஓடி ஓடியே நிம்மதி தேடிய மக்களின் மன உளைச்சலின் விளைவாக கூட இது இருக்கலாம்.

எங்களுக்கு எதுவும் இலகுவாக கிடைத்திருக்க வில்லை. இருக்க இடம் குடிக்க தண்ணீர் தொடங்கி பயண அனுமதி (டோக்கன் கிளியரன்ஸ்) வரை நின்று நின்று நொந்த கதைகளை எங்கள் கால்கள் சொல்லும்.

குழாய்கிணற்றில் தண்ணீருக்கு, லொறியில் வரும் பாணுக்கு, சங்ககடையில் அரிசி,மா,சீனி,பருப்புக்கு,பலசரக்குகடையில் பால்மாவுக்கு மண்எண்ணெயக்கு, விதானையிடம் கூப்பன் காட்டுக்கு, பயண அனுமதிக்கு பின்னர் பேருந்துக்கு கப்பலுக்கு அந்தந்த இடங்களில் தேனீர்விடுதிக்கு என ........ நீண்டு செல்கிறது இந்த பட்டியல்.....

நாங்கள் வரிசையில் நிற்காமல் எதை பெற்றிருக்கிறோம்........

எங்கள் விதி அப்படி.. ஆனால் எங்கள் செயற்பாடுகள் தான் மிகக்கொடுமை.

ஒரு வரிசையில் ஒழுங்காக நின்று வந்த வேலையை விரைவாக முடித்து செல்லும் எண்ணம் எவருக்கும் வருவதில்லை. நீ முந்தி நான் முந்தி என்று யார் முந்துவது என்பது தான் பிரச்சனை, ஒரு வரிசையில் ஆரம்பித்தது இரண்டாகி மூன்றாகி தேவையற்ற ஒரு நெரிசல் உருவாக்கப்பட்டிருக்கும்.

நல்ல உதாரணம் வவுனியா பிரயாணம் தான்....

கிட்டத்தட்ட நான்கு ஆண்டுகளாக யாழ்ப்பாணத்தில் நடைமுறையிலிருந்த பாதுகாப்பு அனுமதி (கிளியரன்ஸ்) தளர்த்தப்பட்டிருப்பது நிம்மதியை தந்தாலும் இன்று வரை இந்த நான்கு ஆண்டுகளில் இந்த யாழ் - பிறமாவட்டங்களுக்கான பயணம் விழுங்கியுள்ள நேரம்....

யாழ்-திருகோணமலை கப்பல் பயணத்தைப்பற்றி சொல்ல விரும்பவில்லை அந்த கொடுமையை அனுபவித்து தான் பாரத்திருக்க வேண்டும் தவறவிட்டவர்களுக்கு இனி சந்தர்ப்பம் இல்லை.

கிளியரன்ஸ் பெறுவதற்கு - இரண்டு கிழமை

இதைதவிர  காலையில் ரயில்வே நிலையத்தில் 1 மணித்தியாலம்

பின்னர் சிங்கள மகா வித்தியாலயத்தில் மூன்று மணித்தியாலம்

பயணம் மூன்று மணித்தியாலம்

இவ்வளவும்143 km நீளமான ஒரு சிறிய தூரத்தை கடப்பதற்கு சாமானியன் படவேண்டிய துன்பங்கள். A9 பயணமென்பது ஒரு சாகசம்.

வவுனியா செல்வதற்கு நிற்கும் இடத்தில் பெரிய வரிசை ஒன்று இருக்கும் எல்லோரும் முதலில் பதிந்து விட்டுதான் வருவார்கள் ஒருவரையும் திருப்பி அனுப்பவது கிடையாது. ஆனாலும் எங்கள் சனம் அடிபடும் எங்கு செல்வதற்கு 300 மீற்றர் தூரத்திலுள்ள இன்னொரு இடத்திற்கு செலவதறகு அங்கு சோதனைக்காக இறக்கி விடுவார்கள்.பிறகு இன்னொரு வரிசை....

போகும் வழியில் பன்னிரண்டு பேருந்துகளும் ஒரு இடத்தில் தேனீருக்கு ஒரே நேரத்தில்  நிறுத்தப்பட அந்த கடையில் ஒரு குருக்ஷேத்திரமே நடக்கும். எத்தனை பேர் பட்டினி கிடந்து வருகிறார்கள்..? ஒரு இரண்டு மணித்தியாலத்தில் அப்படி என்ன பசி...?

நணபன் ஒருவன சொன்னான் 'சனம் கேவலமாக நெரிபடுதுகள்' என்று. பதினெட்டு மணித்தியாலம் கப்பல்ல காயஞ்சு போன சனத்துக்கு நான்கு மணி நேரம் வயித்த நிரப்பாமல் இருக்கமுடியாமல் போவது ஏன்...?

இல்லை அடிபட்டு இடிபட்டு வாங்கி தினபதில் தான் ஒரு திருபதியோ தெரியவில்லை...!

ஐந்து பேருந்துகளையும் ஒரு கடையில் நிறுத்தியவனை குறை சொலவதா வரிசையில் நின்றே வாங்கி பழகாத எம் மக்களை குறை சொல்வதா...?

இதை விட பெரியவரலாறு ஆரம்ப காலத்தில் கப்பலில் சென்றவர்களிடம் கேட்டால் தெரியும்....!

யார் போட்ட சாபம் எப்போது திருந்த போகிறோம்...!

"தனக்கு தனக்கு என்றால் படக்கு படக்கு என அடிக்கும்" சுளகு போல தன்னுடைய காரியம் என்றால் எத்தனை ஆவேசம் எத்தனை பலம் எம்மக்களுக்கு. இத்தனை பலமும் இத்தனை வேகமும் ஒரு நோக்கத்திற்காக ஒரே திசையில் செலுத்தப்பட்டால் எங்களால் அடைய முடியாதது எதுவும் இல்லை.ஆனால் நாங்கள் தான் சுயநலத்திற்கு உதாரணமான சபிக்கப்பட்ட தமிழர்கள்   ...! அல்லவா எப்படி முடியும்..?

 நானும் இரண்டு நணபர்களும் கந்தசாமி படம்பார்க்க ஒரு திரையரங்கிறகு சென்றோம். அந்த திரையரங்கில் அண்ணளவாக நாநூறு இருக்கைகள் இருக்கும். வந்த கூட்டமோ (யாழ்ப்பாணத்தின் வளர்ந்து வரும் தலைமுறை ) ஒரு நூறுதான், "போட்ட அட்டகாசம்"..... வெறுத்து போனது...!

ஓரமாக நின்று வேடிக்கை பார்த்துவிட்டு இறுதியாக போய் நான் மூணு இருக்கைகளில் உட்காந்து படம் பாரத்தேன். இருந்தது ஒரு ஒன்று இரண்டு கால்களுக்கும் ஒவ்வொன்று.

"பட்ட மரத்தின் கதை " யூத் புல் விகடனில்....என் முதல் படைப்பு

hsudhhnfபொழுது போகாமல் சும்மா ஜிமெயில் இன்பொக்ஸை திறந்து பார்த்த எனக்கு 

இன்ப அதிர்ச்சி நான் அனுப்பி வைத்த "பட்ட மரத்தின் கதை" கவிதை,

யூத் புல் விகடனில் வெளியிடப்பட்டதாக மெயில் வந்திருந்தது..

நீங்களும் பார்க்க மேலே உள்ள இணைப்பை சொடுக்குங்கள்

மரமே நீ ஏன் பட்டு போனாய் ..... 

உனைப்போன்ற மரங்கள் அருகில்...

செழித்து வளர்ந்து நிற்கையிலே,

நீ மட்டும் ஏன் செத்து போனாய்....!

காய்ந்து போன பின்பும் உன் கம்பீரம் குறையவில்லையே.?

மரங்களுக்கு அழிவு ஒன்றில், மனிதனால்..!

இல்லையெனில் இயற்கையினால்.!

மனிதன் உன்னை வெட்டவில்லை.........

புயல் உன்னை சாய்க்கவில்லை........

இருந்தும் நீ மரித்து போனாய்.!

என்ன நடந்தது..?

ஒன்றும் குறைவில்லையே......

பூமி தாய் உனக்கு நீர் உணவு தருகிறாள்.

சூரிய பகவான் சக்தி தருகிறார்.

பக்கத்து மரம் ஒன்று நன்றாக தானே,

தின்று வளர்ந்திருக்கிறது.

ஓ...........ஓ ........!

உனக்குள்ளும் துரோகமா ......!

தமிழனோடு வளர்ந்ததில் ......

உங்களுக்கும் அந்த பழக்கமா....................!

என்று தொடக்கம் .............?

உன் ஆணி வேர் என்ன அகத்துறிஞ்ச மறுத்ததோ ?

அகந்தை கொண்டஉன் அழகிய இலைகள் தான், 

உனக்கு ஆக்கி போட மறுத்ததோ ?

சீ ....சீ ....

ஒருபோதும் அப்படி இருக்காது...

பிறகு என்னதான் நடந்தது.?

சிந்தித்தவாறு உன்னை கடந்து சென்றேன் ...

 

பக்கத்து மரம் சொல்லியது.......... 

நீ தற்கொலை செய்து கொண்டாயாம்.

நடு வீதியில் நட்டு வைத்தால் நல்ல நிழல்...

தருவேன் என்று நினைத்தாயா மானிடா...!

எம் இனத்தை கொலை செய்து,

தன் இனத்துக்கே கொள்ளி வைக்கும்,

பாழாய் போன மாந்தருக்கு,

நிழல் கொடுக்கவும் வேண்டுமோ.?

கொஞ்சம் ............வெய்யிலில்

காய்ந்த பிறகாவது விளங்கட்டும்,

பூமித்தாய்க்கு காய்ச்சல்........

என்று இறுதியில்.........

சொல்லி விட்டு செத்து போனாயாம்...!

மரம் என்றாலும் ........

மானம் கொண்டவன் நீ.....
(இந்த மரம் நிஜமாகவே யாழ்ப்பாணம் பிரதான வீதியில் உள்ளது 

அதைக் கண்டு வந்தவை தான் இந்த வரிகள்

இந்த படங்கள் வரும் வழியில் சக நண்பிகள் கிண்டலடிக்க நடு வீதியில் நின்று எடுத்தேன் 

பலன் கிடைத்து விட்டது) 

நான் சொல்ல மறந்திட்டன் நீங்க ஓட்டு போட மறக்காதீங்க......

if [cnn
;q

வின்டோஸ் 7 வெற்றி பாதையில்.....

கூகிளின் வளர்ச்சியால் தலையை சொறிந்து கொண்டிருந்த மைக்கிரோசொப்ருக்கு கொஞ்சம் ஆறுதலான விடயம் அண்மையில் அதனால் மிக பிரமாண்டமாக வெளியிடப்பட்ட Windows 7 விற்பனை கொடிகட்டி பறப்பதுதான்.

பெருமளவான Vista மற்றும் Windows XP பாவனையாளர்கள் Windows 7 க்கு மாறிவருவது குறிப்பிடத்தக்கது. ஐப்பசி 22 ல் Windows 7 வெளியிடப்பட்ட பிறகு அதன் விற்பனை, 2007 தை மாதத்தில் Windows Vista வெளியிடப்பட்டபோது அதன் விற்பனையிலும் பார்க்க 234% உயர்வாக இருப்பதாக தரவுகள் கூறுகின்றன.

Net Application எனும் நிறுவனம் அண்மையில் கணிணி இயங்கு தளங்களின் பாவனை தொடர்பாக, இணைய உலாவிகளிடமிருந்து பெறப்பட்ட தரவுகளை கொண்டு மேற்கொண்ட ஆய்வொன்றில், NetApplication நிறுவனத்தால் ஆய்வு நடத்தப்பட்ட அனைத்து கணினி களிலும் கார்த்திகை 1 ம் திகதி 3.6% ஆனவை Windows 7  இயங்குதளத்தை கொண்டிருந்த்து. இது Windows 7 உத்தியோகமாக வெளியிடப்பட்ட ஐப்பசி 22 ல் 1.99% ஆகவும் அதற்கு முன்னைய தினம் 21 ல் 1.89% ஆகவும் இருந்த்தாக கூறப்படுகிறது.
2009 ஐப்பசி மாதம் எல்லா வகையான இயங்கு தளங்களை கொண்டிருந்த கணினிகள் 92.52%. சோகம் என்னவென்றால் இது 2008 மார்கழி மாதம் 94% ஆக இருந்தது தான்.
Mac OS X -5.27 %
Linux at -0.96 %

அமேசன் இணையதளத்தில் Windows 7 க்கு செய்யப்பட்ட முற்பதிவுகளின் எண்ணிக்கை, 2007ல் வெளிவந்த ஹரிப்பொட்டர் புத்தகங்களின் இறுதிப்பாகமான Harry Potter and the Deathly Hallows, புத்தகத்திற்கு செய்யப்பட்ட முற்பதிவுகளின் எண்ணிக்கை யிலும் பார்க்க அதிகம் என அமேசன் இணையதளம் தெரிவித்திருக்கிறது என்றால் பாருங்களேன்.

பிரித்தானியாவின் பிரபலமான guardian.co.uk  இணையத்தளம் தனது தளத்துக்கு வருகை தருபவர்களில் Windows 7 பாவனையாளர்களின் எண்ணிக்கை Linux  பாவனையாளர்களை மிஞ்சியிருப்பதாக அறிவித்திருக்கிறது. கடந்த காலங்களில் Windows 7 பாவனை குறிப்பிடத்தக்க அளவில் அதிகரித்து வந்ததுடன் ஜூன் மாதம் இது முதன்முறையாக Iphone  பாவனையாளர்களை  முந்தியிருந்ததாக guardian இணையத்தளம் மேலும் தெரிவித்திருக்கிறது.

Windows 7 ன் இந்த  வெற்றிக்கு காரணம் இது Windows Vista உடன் ஒப்பிடும் போது நல்ல வேகம் குறிப்பிடத்தக்க பாதுகாப்பு கொண்டிருப்பதுடன் குறைந்த விலையில் கிடைப்பது மற்றும் சாதாரண தர கணினி, களிலும் நிறுவகூடியதாக இருப்பதுதான்.

கூகிள் மற்றும் அப்பிள் கம்பனிகளுடன் கடும் போட்டியில் இருக்கும் மைக்கிரோசொப்ருக்கு Windows 7 கொஞ்சமாவது ஆறுதலை கொடுத்திருக்கும்.

1983 ல் பில்கேட்ஸ்

அப்பாடா...! என்று கொஞ்சம் ஆறுதலான பில்கேட்ஸ் இப்போது ரூம் போட்டு யோசித்து கொண்டிருப்பார் எப்படி கூகிளை கவிழ்க்கலாம் என்று.......

மழையில் நனைந்து பார்..........

கொட்டு மழையில் ஒரு முறை
நனைந்து பார்.....!
உன்னில் விழுந்து உடைந்து சிதறும் மழை.
உயிர்வரை ஈரம் கசியும்.
உனக்குள் ஒரு நெருப்பு எரியும்.....
உன்னை சூடாக்க.
ஒரு முறை குடை பிடித்தவன்
தெய்வமாவான்.
ஒரு குடைக்குள் நீ ஒடுங்கி போவாய்



சின்ன அரளி மரம் கண்டாலோ
ஆலமரம் என்பாய்
ஒரு கொட்டகையின் அருமை புரிவாய்

உன்னையே நீ கேட்பாய்
சுட்டெரிக்கும் வெயிலா
கொட்டும் அடை மழையா
எது கொடுமை.....?
மழையில் நனைந்து பார்

எப்போதாவது.
சட்டை போட்ட படி ஒரு குளியல்
நீ அணிந்திருக்க சட்டைக்கு ஒரு சலவை
போட்டிருக்கிறாயா
மழையில் நனைந்து பார்

நான்கு சுவற்றுக்குள் சும்மா ஏன் நனைகிறாய்.?

வெட்ட வெளியில்.

ஒரு ஆனந்த குளியல்

கொட்டி தீர்க்கிறது மழை...!

வா வந்து மோதி விளையாடு.

இவை இயற்கையின் அன்புச்சரங்கள்
இயற்கையின் சங்கமம் மழை
ஒரு முறை
கலந்து கரைந்து போ
அடுத்த முறை நீயும் மழையாவாய்





நல்ல மழை உனக்கு மட்டும் தான்
சிலவேளை
உன் சந்ததிக்கு அமில மழை தான்
உன்
"பேரப்பிள்ளையோ" "பூட்டப்பிள்ளையோ"
கண்ணாடி ஜன்னலூடு
மழையை வெறித்தபடி
கேட்கும் "தாத்தா......."
நீ மழையில் நனைந்து இருக்கிறாயா........?
அதற்காகவேனும்,
கொட்டு மழையில் ஒரு முறை நனைந்து பார்...!

உருவான கதை - மழைக்காலம் கல்லூரிக்கு புறப்படும் போது மழைக்கவசத்தை எடுத்துக்கொண்டு வாசல் வரை சென்ற நான் அண்ணாந்து பார்த்தேன் தெளிவான வானம் அங்கங்கே திட்டு  திட்டாக மேகங்கள் குந்தியிருந்து கூட்டம் நடத்தி கொண்டு இருந்ததன. நீல வானத்தையும் ரெயின்கோர்ட்டையும் திரும்ப திரும்ப பார்த்த நான் இறுதியில் ரெயின்கோர்ட்டை தூக்கி  போட்டுவிட்டு பேசாமல் வண்டியில் ஏறி சென்றுவிட்டேன்.
என் தவறு பின்னர் தான் தெரிந்தது. எங்கிருந்து வந்தனவோ அத்தனை மேகங்கள் வரும் நேரம் பொழிந்து தள்ளின போனால் போகட்டும் என்று வண்டியில் ஏறி மழையில் தொப்பலாக நனைந்து வரும் போதுதான் தோன்றியது, "பாசாகிப்பார்" "பெயிலாகிப்பார்" "பதிவெளுதிப்பார்" (சுபாங்கனின் கவிதை வாசிக்கும் போது பட்சி சொல்லியது வாசு நீயும் ஒன்னு எழுதணும் ,,,,ன்னு அப்ப ஐடியா ஒன்னும் வரல  ) என்று வைரமுத்துவை உல்டா பண்ணி நம்ம பதிவர்கள் பலர் எழுதியிருக்கிறார்கள் ...... நாம மழையில் நனைந்து பார் என்று எழுதலாமே .... வீடு வந்து சேர்வதற்குள் மூன்று வரி ரெடியாக மிச்சம் மூன்று நாட்களில் முடிந்தது.

டிஸ்கி-1 -"சட்டை போட்ட படி ஒரு குளியல்.... அணிந்திருக்க சட்டைக்கு ஒரு சலவை" முன்னாடியே சொல்லிபுட்ரேன் நீ சவர்க்காரம் போடாமலா உடுப்பு சலவை செய்கிறாய்  ன்னு யாராவது பின்னூட்டம் போட்ட்ராதீங்க ஆமா ........

கண்ணீரின் கதை ......

ஒரு முறை சுரந்த கண்ணீரின் ஈரம்,

காயும் முன்பே மறுமுறை கலங்குகின்றன.....

 என் கண்கள்.

பூமிக்கு அடியில் யாரும் என்னை,

 புதைத்து வைத்து விடவில்லையே....

இமயமலையின் பாரம் என்  நெஞ்சில்.

எங்கள் வீட்டின்,

அத்தனை இரைச்சல்களையும் தாண்டி கேட்கும்...

என்  இதயத்துடிப்பு .

கார்த்திகை மாத கடும் குளிரையும்  சூடாக்கும்,

என் பெருமூச்சுகள் .

ம் .... ம் .....

ஒரு முறை திறந்து பார்க்கிறேன்.....!

அடுக்கடுக்காய் நெஞ்சத்தில் ஞாபகப்பெட்டகங்கள்,

ஒன்றில் கூட இல்லை சந்தோச கவிதைகள்.

எல்லாமே சோக சரங்களால் கோர்க்கப்பட்ட ,

எருக்கலம்பூ மாலைகள்.

நான் அழுது பல நாட்கள்........

அது தான் இப்படி ஒரு வேதனையோ.!

இத்தனை வரிகளுக்கும் சொந்தகாரன்......

"கவிதையாய் வாழ்ந்து காணாமல் போன

என்  நண்பன் ......!"

என் நண்பன் என் உலகமாக இருந்தான்.

என் நண்பன்எனக்கு முழுதுமாக இருந்தான்.

என் நண்பன்என் இதயத்தின் மையமாக இருந்தான்.

அவன் இருக்கும் பொது சேர்த்த இனிய நினைவுகளை,

அவன் மறைவு மழுங்கடித்து விட்டது .

எஞ்சியிருப்பது ......என் இதயத்தில் ....

அவன்  இருந்த இடம் மட்டும் தான் .

அவன் ஆனந்தமாக என் நெஞ்சில்,

நடந்து சென்ற காலடிச்சுவடுகள் .....

காயங்களாகிவிட்டது இப்பொழுது .

அடிக்கடி நானே அதை தாக்கி பார்க்கிறேன்

என் நினைவுகளால் .

நண்பா...!

உன்னை இழந்த இந்த வேதனைக்கு ...

வயது மூன்று வருடங்கள்........

ஒரு வேளை நீ இருந்து நான் இறந்திருந்தால் ..

உனக்கு புரிந்திருக்கும் ...

"இந்த கண்ணீரின் கதை ..."

விண்ணை தாண்டி வருவாயா ...........ஒரு முன்னோட்டம்

எங்கள் நாடுகளில் புதிதாக ஒரு கூட்டணி என்றால் எப்பொழுதும் எதிபார்ப்பு களை கிளறி விட்டு இருக்கும் ...இதுவும் அப்படிதான் ஆரோக்கியமான கூட்டணி எத்தனையோ  முறை நான்  கனவு கண்ட கூட்டணி யும் கூட .

கெளதம் மேனன்- AR.ரஹ்மான்-அன்டனி   -சிம்பு

எல்லாம் மிகப்பெரிய பெயர்கள் சிம்புவை தவிர சிம்பு அவரது பல படங்களில் வம்புகள்; தான் செய்திருக்கிறார் . ஆனால் இந்த முறை ஒழுங்கான பையனாக நடிப்பார் என்று தெரிகிறது ஏனெனில் அவர் சிக்கியிருப்பது கெளதம் எனும் சிங்கத்திடம் அல்லவா .

கெளதம் மேனனுக்கு இது ஆறாவது படம் ஐந்து படங்கள் மிகப்பெரிய வெற்றியை பெற்றன .பச்சை கிளி முத்து சரம் பெயர் பெற்ற  அளவுக்கு வசூல் இல்லை" டமால்" ஆகிவிட்டது . ஆனால் அத்தனை படங்களும் ஹரிஸ் இன் இசையில் பாடல்கள் மிகப்பெரிய வரவேற்பை பெற்றவை, அப்பிடி இருந்ததும் ஹரிஸ் உடன் ஏற்பட்ட மனக்கசப்பு காரணமாக இந்த  படத்திற்கு இசைப்புயல் உடன் கூட்டு சேர்ந்து இருக்கிறார் கெளதம் மேனன் .

 இது தான் கெளதம் மேனனின் படங்களிற்கு இருக்கும் வழமையான எதிர்பார்ப்புகளை இன்னும் அதிகரித்து இருக்கிறது .ஆனால் சிறிது காலத்திற்கு  முன்பு ஜோதிகா வும் சூர்யா வும் இணைந்து ஏற்பாடு செய்த விருந்தில் ஹரிஸ் ஜெயராஜ் கெளதம் மேனன்  பங்கு பற்றி மனம் திறந்து கதைத்திருந்ததாக செய்திகள் வெளியாகி இருந்ததன.

ஆக இந்த புதிய கெளதம் ரஹ்மான் கூட்டணி எவ்வளவு  காலம் நீடிக்கும் என்பது ஐயத்திற்கு உரிய விடயம் .ஆக விண்ணை தாண்டி வருவாயா  இந்த அதிசய கூட்டணியில் வரும் ஒரே ஒரு படமாக இருக்க வாய்ப்புளதால் பெரிதும் முக்கியத்துவம் பெறுகிறது

வழமையாக ரஹ்மானின் இசை பந்தியில் நல்ல இயக்குனர்களுக்கு எப்போதும் நல்ல இசை விருந்து கிடைப்பதுண்டு கெளதம் மேனனும் இதற்கு விதிவிலக்கல்ல.ஆகவே ரஹ்மானின் ரசிகர்களுக்கு இது மிகப்பெரிய கொண்டாட்டம்.ஏனெனில்  மணிரத்தினம் சங்கருக்கு பிறகு ரஹ்மானுக்கு தமிழில் கிடைத்த ஒரு நல்ல  இயக்குனர் கெளதம் தான்.

அன்டனி பற்றி சொல்ல  வேண்டும் என்றால் படத்தொகுப்பாளர்களின்  பெயர்கள் பிரபலமானது இவர் வருகைக்கு பிறகுதான் முக்கியமாக் "பீமா" படத்தில் "முதல் மழை என்னை நனைத்ததே" பாடலுக்கு ஹரிஸ் இன் தாளத்திற்கு ஏற்ப இவரது படத்தொகுப்பு அந்த பாடல் பார்க்கும் போதெல்லாம் இவரை  ஞாபகத்திற்கு கொண்டு வந்திருக்கிறது .

இப்படியாக பல காரணங்களால் தமிழ் சினிமா உலகில் எல்லாராலும் எதிர்பார்க்க படும்  படமாகிவிட்டது இந்த படம் ,

இப்போதே எனக்கு பிடித்த படமாகிவிட்ட இந்த பிரமாண்ட கூட்டணியின் "விண்ணை தாண்டி வருவாயா" விண்ணை தாண்டுமா .....?தாண்டும் என்றே தோன்றுகிறது .

DISCOVERY- ஒரு பிரம்மாண்டத்தின் பிரயாணம்

"அம்மாடியோ .....! "
இது தான் பாருங்கோ இன்றைய உலகின் மிக பிரமாண்டமான பயணம்.....!

கீழே படங்களை பாருங்கோ புரியும் "space shuttle", plane க்கு மேல ஏறி இருந்து  போகும். படங்களில்  ஒரு space shuttle எவ்வாறு space station க்கு  தன் பயணத்தை தொடங்குகிறது என்பதை நீங்கள் பார்க்கலாம் .

என்னண்டுதான் பண்ரானுகளோ எனக்கெண்டா விளங்கேல்ல.அதுக்கு முதல் இதுகளையும் வாசியுங்கோ நல்லா  விளங்கும் .

  நாங்கள் விட்ட ராக்கெட்டுகள்- 1

நாங்கள் விட்ட ராக்கெட்டுகள்-2

நாங்கள் விட்ட ராக்கெட்டுகள்-3

SPACE SHUTTLE மூன்று  பாகங்களை  கொண்டது ஒவ்வொரு  பாகமும் அமெரிக்காவின் வெவ்வேறு இடங்களில் தயாரிக்கப்பட்டு ப்ளோரிடா  வில் உள்ள  KENNADY SPACE CENTER க்கு அனுப்பப்படும்.

SPACE SHUTTLE பற்றி  மேலும்  அறிய நாங்கள் விட்ட ராக்கெட்டுகள்-3 பதிவை வாசிக்கவும் 


பிடிச்சிருக்கா ..! அப்பிடீன்னா வேற என்ன கேட்க போறேன்  ஒரு ஓட்டையும் போட்டு பின்னூட்டத்தையும் போட்டுட்டு போங்கோ ....! ஓகே .... 

EXTERNAL TANK இன் பிரயாணம் 

External Tank at Kennady space center

ORBITER VEHICLE இன்  பிரயாணம்

SOLID ROCKET BOOSTERS இன்  பிரயாணம்

ASSEMBLING IN KENNADY SPACE CENTER

PAY LOADS